إضحك من قلبك مع أجمل النكت.... من صوت الرملة

اتنين بلدياتنا زهقوا من التأليس عليهم فسافروا الهند.أول مانزلوا من الطيارة لقوا الهنود بيتنحنحوا علشان يحيوهم فواحد منهم سأل الثاني هما بيحترمونا كده ليه؟ قاله أصلهم هنا بيعبدوا البقر.

الزوجه لزوجها : ياريتنى جريدة علشان اكون فى ايدك كل يوم الزوج: ياريتك نتيجة اغيرها كل سنة

صبى كسلان جدا شغال فى ورشة كل لما المعلم يقوله هات مفك ، يقوله كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قاله دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قاله اللمبه قلاووز وانت اللى مبتلفش يا معلم....


مرة إتنين مساطيل واحد بيقول التانى هما القدماء المصرين بنو الهرم فى قد ايه .... قالو 50 سنة ...قالو ياه ليه ؟؟ قالو اصل كل ما يرصوا حجرين الحكومة تكبس عليهم ...


واحد غبى ... حط إيده في جردل فيه مية نار .... فحس ان صباع من اصابعه ناقصة .. فحط رأسه في الجردل علشان يدور عليه


الراديو:واللاعب بيشوط بمشط رجله يااااااااااه بتيجى في المقص
صبي الحلاق:إلحق يا معلم بيلعبوا في العدة


مرة واحد حشاش لما قبض مرتبة راح البيت وقعد يقسم المرتب 100 ايجار – 100 مصروف

بيت –200 حشيش وفجاة .. وهو قاعد سمع خبط على الباب فقال مين رد علية اللى برة

قالوة بوليس.. فراح مقطع ال200 جنية بتوع الحشيش


مرة إتنين مساطيل راكبين عربية فواحد قال للتانى : حاسب قدامك شجرة
فالتانى مردش عليه فعلى صوته شويه : قدامك شجرة.. برضه مردش عليه فقاله : حاسب قداااامك
شجررررررا .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟


مره واحد مسطول ركب تاكسى وقال للسواق انا عايز اروح كوكب تانى قام السواق نزله فى الصحراء قام المسطول قابل واحد بيقول (انا ميت من الشمس) فرد عليه (وانا حسنين من الارض)


مره واحد مسطول داخل اجزاخانه وبيقول للصيدلي عايز نص كيلو لحمه قاله حضرتك دي صيدليه قاله ياعم انا مالي انا عايز نص كيلو لحمه فدخل واحد مسطول برضه فقال الصيدلي حضرتك البشمهندس عايز نص كيلو لحمه وانا بقوله دي صيدليه بعد اذنك فهمه قاله ياعم انا مالي انا جي اخد نص جبنه بيضه وماشي


جماعة حشاشين قاعدين في غرزة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا جماعة ألاقى عندكم كبريت قالوله استريح لسه باعتين واحد أول ما يرجع نديلك واحد


واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران هفوق بكره .. وانتي


مره حرامى سرق فرخه وراح يكلها على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

مرة اتنين مساطيل واقفين فى الشارع. عدت من قدامهم جنازه فواحد منهم بيقول للتانى هى الجنازه دى بتاعت مين؟ فرد عليه التانى: دى بتاعه الحاج محسن. بعديها بيوم نفس الاتنين واقفين فى الشارع وعدت من قدامهم جنازه تانيه فالاول سال التانى هى الجنازه دى بتاعه مين؟ فرد عليه التانى دى بتاعه الحاج محسن فرد عليه الاول: لا حول ولا قوه الا بالله هى مال الدنيا ملطشه مع الحاج محسن اليومين دول ليه .....
أتمنى ان تنال إعجابكم، وفى إنتظار رأيكم الكريم....