اقوى كورس الصحافة الاستقصائية

بصوا بقى يا جدعان
العرف جرى (لحد ما رجله وجعته من كتر
الجرى) أن أى كورس فنون صحافة بيبدأ بالخبر الصحفى (ليه معرفشى هو كدا)
وعشان
نريح عم العرف دا مش هنبدأ بالخبر ...... وانا من امتى التزمت بالعرف دا يعنى


أحنا
ندخل فى التقيل ..... التحقيق الصحفى
.....
واحد تحقيق صحفى وصلحة يا جدع
:
اضرب كوباية الشاى دى لحد ما الورق يجى من المكتبة , عشان هنوزعه عليكم دلوقتى
ومبعرفش اشتغل من غير ورق
[ندعوك للتسجيل في المنتدى أو التعريف بنفسك لمعاينة هذه الصورة]

و
أهو الورق جه .... ركز بقى وبلاش كلام ..... الواد ابو تى شرت اخضر دا يقعد ساكت
ويرمى السيجارة اللى ف ايديه ! [img]style_emoticons/default/36_11_6[1].gif[/img]
ابنت اللى بتظبط شعر صاحبتها خلاص يا ماما هنبدأ شغل
بقى

فى الاول والاول بس نعرف يعنى ايه تحقيق صحفى ؟

كلمة
تحقيق لوحدها .... بيقولك النيابة عملت مع الواد سعيد أبو شفتورة تحقيق عشان بيبيع
بانجو
التحقيق باختصار هو
فى ظاهرة موجودة أو حاجة حصلت أو خبر مثلا
أنا
كصحفى ببدأ جمع المعلومات عنها , وأسأل دا ودا .... أحقق مع دا ودا
واجيب بيانات
من هنا وهنا تهمنى فى التحقيق

طيب انا مش فاهم ....
أفهمك يا
سيدى

الشارع بتاعكم مرة واحدة كدا بقى مليان أطفال شوارع ...... زمان مكنش
فيه
طبعا الناس ولا بيهمها




لكن أنت كصحفى ذكى ولملاح
وبتجيبها وهى حايرة طايرة مش لاقيا اللى يصطادها
فتسأل نفسك ليه ؟

تبدأ
تجمع معلومات عن اطفال الشوارع
من الكتب ومن النت ومن كل
حته



وبعد كدا تشوف ايه اكتر مكان بيتجمع فيه اطفال الشوارع , وهل
شارعكم مناسب ليهم ؟
وبعد كدا تسألهم
وتسأل أهالى الشارع نفسهم
كمان
وتسال بتاع المجلس المحلى ووتقوله شارعنا بقى ملجأ لاطفال الشوارع ليه
؟


وهكذا .....



طيب ايه هى وظائف التحقيق ؟ بص اشطب على
الجزء دا لانه نظرى , الدكتور فى الكلية يقولك أنا هنا بتكلم عن العملى بس


استنوا اشرب شوية ميه ساقعة مشبره

[ندعوك للتسجيل في المنتدى أو التعريف بنفسك لمعاينة هذه الصورة]


نكمل
بقى


كل دا احنا لسه بنقول يا هادى .... دى مقدمة بنتعرف فيها على الجدع
تحقيق صحفى دا

دلوقتى انت بتسألنى كذا سؤال

هما :


1_
ازاى أكتب التحقيق ؟
2_ازاى اجيب فكرة التحقيق؟
3_ايه المصادر
؟


طيب يا عم براحة متزوقش كدا , مكنوش خمسين جنية يعنى دافعهم فى الكورس
هتنشف رئيئى وتسود طريقى بيهم
اسمع

أولا : ازاى تجيب فكرة التحقيق
؟

بسيطة يا سيدى ,

خد بس الشوكلاتاية دى الاول
[ندعوك للتسجيل في المنتدى أو التعريف بنفسك لمعاينة هذه الصورة]



أول حاجة

افتح اى جورنال , اقرى الاخبار الى فيه ,
هتلاقى خبر بيقول (تعيين أول مأذونة فى مصر)
تسأل نفسك
طيب ينفع المرأة تبقى
مفتية وتتولى منصب الافتاء بدل على جمعة
والله فكرة
افتح موقع دار الافتاء
وشوف شروط الافتاء
طيب ما تسال الشيوخ بتوع دار الافتاء ومجمع البحوث
وكمان
اسال سعاد صالح ما هى بتفتى على الفضائيات

طيب ما تجيب احاديث بتقول وبتوضح
ان المرأة ينفع تبقى مفتية عادى او مينفعش لو فى

انت كدا خلاص عملت تحقيق يا
باشا , باقليك بس ازاى تكتب الكلام اللى انت جبته دا

يبقى كدا اول حاجة : من
الاخبار هتجيلك الفكرة لوحدها , أصلك يا عزيزى ذكى ولماح ولو مكنتش كدا اخرج بره
لعبة الصحافة خالص


تانى حاجة او تانى مصدر
ممكن تجيب فكرتك انت من مجرد حاجة انت
شايفها
يعنى مثلا
لاقيت ولد بيتردد على مكتب الامن بتاع الكلية كتير أوى ,
أنت خدت بالك من الموضوع دا أوى
خلاص اشطة
طيب ما اعرف
اسال الولد
دا
واسال الامن هو فى ايه
واكتب سؤال يدور حوله التحقيق (هل عادت العصفورة
الى الجامعة ام انها لم تختفى اصلا)

مثال تانى
واحد صاحبك قالك يا طارق
انا بشتغل فى المطار ولاقيت فتحه فى سور المطار
انت كصحفى سمعت الكلام دا اكيد
هتكون غير اى حد لازم تجرى تشوف الحكاية
وتصور بنفسك
وتدخل من الفتحة دى
مثلا

وتجيب معلومات , وتقول كدا غلط ممكن حد يسرق طيارة [img]style_emoticons/default/36_11_6[1].gif[/img]




تالت حاجة بقى قبل ما انسى
:
الدراسات والابحاث
الدكتورة سلوى عملت
دراسة بتقول فيها أن نسبة انتشار مرض الاستبحس وصلت الى 50 فى الميه فى منطقة
القلعة
اسال دكتورة سلوى
واسال يعنى ايه استبحس اصلا
وانزل المنطقة اسال
الناس


كدا خلاص أنت عرفت ازاى تجيب الفكرة


فاصل بقى عشان
الغدا ونرجع نكمل ازاى نكتب تحقيق بقى !

[ندعوك للتسجيل في المنتدى أو التعريف بنفسك لمعاينة هذه الصورة] تم تقليل : 62% من الحجم الأصلي
للصورة[ 822 x 580 ] - إضغط هنا لعرض الصورة بحجمها الأصلي
[ندعوك للتسجيل في المنتدى أو التعريف بنفسك لمعاينة هذه الصورة]


بعد ما تضرب السندوتش دا هنتكلم عن ازاى
تكتب التحقيق بتاعك
وكمان المصادر

انتظرونا

ياااااااااااااه الغدا كان ممتع فعلا
سندوتش انم ايه اخر حلاوة
....

ونيجى بقى لأهم (بقول أهم يعنى كله يطرطأ ودانه) أهم نقطة فى الموضوع
كله
إزاى اكتب التحقيق ؟


بص
سا سيدى الفاضل ....
دلوقتى ان ربنا فتحها فى وشك وجبت فكرة التحقيق , واشتغلت
فيها , وسألت دا وسألت دا , وفلان قفل السكة فى وشك
وعلان قالك انت بتسأل ليه
وانت مالك
نيجى بقى لاهم واخطر نقطة اللى هى خطوة التنفيذ
الكتابة

ودى
بصراحة بقى اللى بتفرق بين صحفى والتانى ......

أول حاجة :
مقدمــــــــــــــــــــــــــــــــــــــــــــــــــــــــــــــــــــة

والمقدمة
دى مش المقدمة اللى بنكتبها فى موضوع التعبير بتاعت بسم الله والصلاة والسلام على
رسول الله
انت مش هتقول خطبة
اخلص
المقدمة مش بنقول فيها ان هذا الموضوع
جميل ورائع ووددت لو تنصتوا الى وتعيرونى أذهانكم

لا خالص

المقدمة
بتقول فيها الموضوع او الفكرة اللى بتتكلم عنها , وتكتب كام معلومة كدا جبتها من
الكتب والمواقع
خد بالك ان الكتب والمراجع والوثائق دى (مصادر غير
حيه)

هنكتها فى المقدمة

يعنى مثلا

المقدمة تكون (فى دراسة
تعمقية لمركز اندلس لدراسات التسامح ومناهضة العنف أثبت الباحثون أن ......
)

ثانيا : رأى الناس أو الافراد اللى ليهم علاقة بالظاهرة او الخبر او
اللى هياثر عليهم

يعنى مثلا أسأل كل الناس اللى تربطهم اى علاقة
بالموضوع
لو مثلا هاعمل موضوع عن غلاء السيارات
هاسال اصحاب
السيارات
وهسال بتوع جراجات
وعيال بيلمعوا عربيات
كل دول هسالهم

اى
حد يعرف المجنى عليه من بعيد أو قريب هاته نحقق معاه

ودا مهم جدااا
هو الاصل كمان
تروح تسال اى حد مسئول
تليفون بقى او تقابله
مليش دعوة , تروح وتسأل أى حد .......
ولو فى طرفين فى الموضوع لازم تسال
الطرفين
يعنى مثلا فى ناس مؤيدة التعديلات الدستورية وناس لا
اوعى تسال
المؤيدين بس زى الاهرام ما بتعمل ولا المعارضين بس زى الدستور ما عملت
لا اسال
الاطراف كلها


وفى الاخير خاتمة صغيرة عادية أو ممكن مش تتكتب يبقى أحسن
ريحت

بقولك , متستخسرش اى مصدر فى التحقيق
اسال كل اللى تقدر تسالهم اصله
هيفيد اوى

وحاول تعمل موجهة بينهم , يعنى تسال مثلا فلان الفلانى وقالك ان
انا ضد عمل المراة
قوله طيب ما انا من شوية سالت فلان قالى انه مع عمل المراة
واثبت بالاحاديث والايات

وهكذا

أوعى تخاف من مصدر , اوعى تقلق
.....


هاضرب كوباية العصير دى وأأرجع اكمل
[ندعوك للتسجيل في المنتدى أو التعريف بنفسك لمعاينة هذه الصورة]


المصادر بتاعت
نوعين
مصادر حيه ومصادر غير حيه
المصادر الغير حيه دى : كتب وثائق جرايد
مجلات دراسات حوارات سابقة او نت وهكذا
المصادر الحيه : المصدر بقى اللى بتكلمه
انت وبتسال


شوية وراجع بس لما اسمع تعليقاتكم

لسه فى كلام تانى
وواجبات عملية هنعملها سوا , وفى اضافات