أمثال عن المال

---

- فرقت مالى بإيدى نسَانى الصلا والعباده
- خد من الطاقه وادى فى الطاقه تلاقى فى الطاقه
- اللى يخرز يخرز على وركه = ( اللى يجبى يجبى من جيبه )
- إيش ياخد الريح من البلاط
- اللى يجيبه الرياح تاخده الزوابع
- البحر يحب الزياده
- ما يموتش حق وراه مطالب
- من ماله ولا يهنا له ؟
- من عان شىء قال له الزمان هاته
- جيب السبع ما يخلاش
- يوم السداد عيد
- يبقى المال مال أبونا والناس يضربونا ؟!
- ده مال سايب
- اللى ما فى إيدك يكيدك واللى فى ايد الناس بعيد
- إللى فى جيبك أقرب من اللى فى جيب غيرك
- إللى فى إيدك أقرب من اللى فى جيبك
- إللى فى إيدك أقرب من اللى فى جيبك واللى فى إيد الناس بعيد
- إللى فى إيدك يكيدك واللى فى الناس بعيد
- آكل فول وأخرج قفاى عرض وطول ولا آكل الكباب ووقفه الديانه ورا الباب
- إللى بالفلوس ما تشتهيه النفوس
- اللى معاهوش ما يلزموش
- البخت لو مال يبقى البخت من حظك
- بندقى فى حيط ولا جاموسه فى الغيط ( بندقى = نوع من الذهب )
- جبال الكحل تفنيها المراود وكتر المال تفنيه السنين
- حمار ما هولك عظمه من حديد
- حط القرش على ودن القرد يلعب
- ساعة ما أكلها وخريها نسيها
- حافظ على مالك يزيد النص
- جيبك أقرب من إيدك
- القرش ياكل القرش
- اللى معاه قرش محيره يجيب به حمام ويطيره
- كل دين واشرب دين وإن جه صاحب الدين فخت له عين فى عين
- هين قرشك ولا تهنش نفسك
- صاحب القرش صياد
- الفلوس على احس شىء تدوس
- الفلوس مع التيوس
- ما عاش مالى بعد حالى
- المال الحلال ييجى
- المال السايب يعلم السرقه
- مال كسبته كلته
- مال الكنزى للنزهى
- مال الناس كناس
- ما يحسدش المال إلا صاحبه
- المال له كلاليب من حديد
- من خد وادى صار المال ماله . ومن خدم الناس صارت الناس خدامه
- من حكم فى ماله ما ظلم
- من داق التحويش ينصعر
- القرش صياد
- قرشك فى جيبك ساتر عيبك وخيره عليك